ShQO-da áıeli tastap ketken er adam úshinshi qabattan sekirmek boldy
ÓSKEMEN. QazAqparat – Shyǵys Qazaqstan oblysy Altaı qalasynda polıtsııa qyzmetkerleri sýıtsıdtiń aldyn aldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, búgin tańerteń polıtsııa aǵa leıtenanty Álııa Anaeva jumysqa bara jatqanda Kýrchatov kóshesindegi kópqabatty úıdiń terezesinen sekireıin dep turǵan er adamdy kórip qalǵan. Ol bul jaıly birden «102» arnasyna habarlady.
«Oqıǵa ornyna polıtsııa aǵa leıtenanty Aıhan Áýitalıpov pen kishi leıtenant Qýat Baıshoqov kelip jetti. Álııa óz ózine qol jumsaýǵa árekettengen azamatty áńgimege tartyp turǵanda, ekeýi ony ustap, tereze mańynan alyp ketti. Er adam mas bolǵan», - delingen aqparatta.
Anyqtalǵandaı, Altaı qalasynyń turǵyny mundaı qadamǵa ózin áıeli tastap ketkendikten barmaq boldy.
