ShQO-da áıeli tastap ketken er adam kópirden sekirmek boldy
ÓSKEMEN. QazAqparat – Óskemen qalasynda er adam kópirden sekirmek bolǵan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetinshe, 13 qazan kúni saǵat 14.46-da 43 jastaǵy er adam ponton kópirinen sekirmek bolǵan. Osy kezde sol mańaıda qaıyqpen izdestirý jumystaryn júrgizip júrgen qutqarýshylar kópirdegi azamatty baıqap qalyp, áriptesterin kómekke shaqyrady.
«Birden kelip jetken Óskemen qalasy Polıtsııa basqarmasynyń potrýldik polıtseıleri Ánýar Muhametqalıev pen Nurjan Іlııasov er adamdy kópir jaqtaýynan alyp shyqty. Sol mezette ShQO TJD Órt sóndirý jáne avarııalyq-qutqarý jumystary qyzmetiniń psıhology Oksana Petrova qutqarýshylarmen birge óz-ózine qol jumsamaq bolǵan turǵyndy áńgimege tartty. Ol birden qulaq túrip, sóılesip, áıeli men balalarynyń ózin tastap ketkenin aıtty», - dep habarlady vedomstvo ókilderi.
