ShQO-da áıeli men enesin qatygezdikpen óltirgen qylmysker sottaldy
ASTANA. QazAqparat - Shyǵys Qazaqstan oblysynyń qylmystyq ister jónindegi mamandandyrylǵan aýdanaralyq sotynda áıeli men enesiniń túbine jetken qylmysker 15 jylǵa sottaldy, dep habarlaıdy «QazAqparat» HAA tilshisi.
Qandy oqıǵa osy jyldyń sáýir aıynda tirkelgen. 31 jastaǵy er adam áıelimen ajyrasyp, úıinen jeke zattaryn alyp ketpek bolǵan. Úıine kelgen ýaqytta enesimen kıkiljińge kelip qalyp, ony tunshyqtyryp óltirip, denesin monshaǵa aparyp tastaǵan. Budan keıin qandyqol qylmysker dál sol úıde áıelin baltalap óltirgen. Qylmysyn jasyrý úshin ol eki múrdeni skotchqa orap, baqshaǵa kómip tastaǵan.
Arada eki kún ótkennen keıin qylmysker polıtsııaǵa óz aıaǵymen baryp, bolǵan oqıǵanyń bárin aıtyp bergen. Tergeý kezinde jáne sot barysynda ol qylmysty qalaı jasap qoıǵanyn bilmegenin jetkizgen.
Sot úkimimen ol aldaǵy ómiriniń 15 jylyn temir tordyń ar jaǵynda ótkizetin boldy. Úkim zańdy kúshine engen joq.
