ShQO-da aıazǵa baılanysty birneshe aýdanda sabaq toqtatyldy
ÓSKEMEN. QazAqparat - Shyǵys Qazaqstan oblysynda aıazǵa baılanysty mektepterde sabaq bolmaıdy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin aýa temperatýrasynyń kúrt tómendeýine baılanysty birqatar qala, aýdandaǵy mektepterde sabaq bolmaıdy.
Atap aıtqanda, Óskemen qalasynda (-34) 0-4 synyptar, Borodýlıha aýdanynda (- 34) 0-11 synyptar, Altaı aýdany (-33) 0-9 synyptar, Semeı qalasynda (-31) 0-9 synyptar, Rıdder qalasynda (-28) 0-5 synyptar, Shemonaıhada (-34) 0-11 synyptar, Jarma aýdanynda (-33) 0-3 synyptar, Besqaraǵaı aýdanynda (-32) 1-11 synyptar, Kýrchatovta (-29) 1-4 synyptar, Katonqaraǵaı aýdanynda (-33) 1-11 synyptar, Kúrshim aýdanynda (-29) 0-11 synyptar oqymaıdy.
