ShQO-da aıazǵa baılanysty birqatar jolda qozǵalys shekteldi
ÓSKEMEN. QazAqparat – Shyǵys Qazaqstan oblysynda aıazǵa baılanysty birqatar jolda kólik qozǵalysy shekteldi, dep habarlaıdy QazAqparat.
ShQO Tótenshe jaǵdaılar departamenti baspasóz qyzmetiniń málimetine súıensek, aýa temperatýrasynyń kúrt tómendeýine baılanysty «Dmıtrıevka-Borodýlıha-Shemonaıha» avtojolynyń 0-72 shaqyrymynda, «Óskemen-Semeı-Shúlbi-Jańa-Shúlbi-KF-1 Dmıtrıevka-Borodýlıha-Shemonaıha» jolynyń 0-44 shaqyrymynda, «Shemonaıha-Sekısovka» trassasynyń 0-54 shaqyrymynda jáne «Borodýlıha-Jezkent» avtojolynyń 0-49 shaqyrymynda kólik quraldarynyń barlyq túri úshin qozǵalys shektelgen.
«Shekteý 27 jeltoqsan saǵat 19.00-den 28 jeltoqsan 07.00-ge deıin engizildi», - dep habarlady vedomstvo ókilderi.
