ShQO-da aıazdy kúni jolda qalǵan 14 jolaýshy qutqaryldy
ÓSKEMEN. QazAqparat – Shyǵys Qazaqstan oblysynyń qutqarýshylary reıstik shaǵyn avtobýstyń jolaýshylaryna kómektesti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, tún kezinde Aıagóz qalasynan 305 shaqyrym jerdegi «Almaty-Óskemen» tasjolynyń 805 shaqyrymynda kele jatqan shaǵyn avtobýs synyp qalǵan. Reıstik «Gazelde» 14 jolaýshy boldy. Olar birden «112» qyzmetine habarlasqan.
«Oqıǵa ornyna kelip jetken №22 órt sóndirý bóliminiń qyzmetkerleri jolaýshylardy Aıagóz qalasyna jetkizip, jergilikti sport mektebine ornalastyrdy. Al shaǵyn avtobýs Aıagózge arnaıy tehnıkamen súırep aparyldy», - dep habarlady vedomstvo ókilderi.
Osy rette, TJD turǵyndarǵa alys saparǵa shyqqan kezde Darmen mobıldi qosymshasy arqyly joldardyń jaı-kúıi týraly aldyn ala bilip alýǵa keńes beredi.
