ShQO-da aıazdy kúni 200-den astam adamǵa kómek kórsetken azamattar marapattaldy
ÓSKEMEN. QazAqparat – Shyǵys Qazaqstan oblysynda aıazdy kúni 200-den astam adamǵa kómekke kelgen 5 azamat QR Tótenshe jaǵdaılar mınıstriniń Alǵys hatymen marapattaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, aýa temperatýrasy kúrt tómendegen kezde jerlesterine kómek kórsetken aımaq turǵyndaryn marapattaý rásimi ótti. QR Tótenshe jaǵdaılar mınıstri ıÝrıı Ilınniń atynan 5 azamatqa departament bastyǵy Erlan Nurpeıisov pen «Aq jol» Qazaqstan demokratııalyq partııasy ShQOF tóraǵasy, oblystyq máslıhat depýtaty Talǵat Qurmanǵalıev Alǵys hattardy saltanatty túrde tabys etti.
«Vıktor Bobrovskıı, Dmıtrıı Voljenın, Andreı Lıverınov, Marına Lıverınova jáne Aleksandr Samoılov aıazdy kúni halyqqa naǵyz qamqorlyq kórsetti. Qańtar aıynda 30 gradýstan asqan sýyqta olar jolaýshylardy aıaldamalardan alyp, úılerine deıin jetkizip tastady. 2 kúnniń ishinde olar 200-den astam turǵynǵa kómektesken», - delingen vedomstvo habarlamasynda.
Kórsetilgen qamqorlyqtyń, adamgershiliktiń, azamattyq belsendiliktiń jáne qıyn jaǵdaıǵa tap bolǵan jandarǵa kómektesýge degen yqylastyń arqasynda bul azamattar jazataıym oqıǵalardyń aldyn aldy.
