ShQO-da aıaz saldarynan birinshi aýysymdaǵy 1-4 synyptar onlaın oqıdy

ÓSKEMEN. QazAqparat – Óskemen men Semeı qalalarynda aıaz saldarynan birinshi aýysymdaǵy 1-4 synyptar onlaın oqıdy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 12 aqpanda aýa raıynyń nasharlaýyna, naqty aıtqanda aıazǵa baılanysty eki qaladaǵy birinshi aýysymdaǵy 1-4 synyp oqýshylary onlaın formatta oqıtyn boldy.

«Semeı men Óskemen qalalarynda aýa temperatýrasynyń -28 gradýsqa tómendeýine baılanysty bastaýysh synyptar mektepke barmaıdy», - dep habarlady vedomstvo ókilderi.

Aıta keteıik, keshe de kúnniń kúrt sýytýyna baılanysty Shyǵys Qazaqstandaǵy birneshe qala, aýdanda oqýshylar onlaın formatta oqyǵan.