ShQO-da avtoservıs qyzmetkeri klıenttiń kóligin aıdap ketip jol apatyna tústi
ÓSKEMEN. QazAqparat – Shyǵys Qazaqstan oblysynda tehnıkalyq qyzmet kórsetý stansasynyń jumysshysy klıenttiń kóligin aıdap ketip jol apatyna tústi, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 16 tamyzdan bastap óńir aýmaǵynda «Avtokólik» jedel aldyn alý sharasy júrgizilip jatyr. Mundaǵy maqsat – kólikterdi aıdap áketý faktilerine tosqaýyl qoıý. Birneshe kún ishinde krımınaldyq polıtsııa qyzmetkerleri osyndaı 8 qylmysty ashqan.
«Máselen, Altaı qalasynyń turǵyny tehnıkalyq qyzmet kórsetý stansasyna kóligin qaldyryp ketken. Alaıda sol jerde jumys isteıtin er adam kólikti aıdap ketip, jol apatyna tústi. Polıtsııa qyzmetkerleri kúdiktini ustap, bólimshege jetkizgen. Qazirgi ýaqytta tergeý amaldary júrgizilýde», - dep habarlady vedomstvo ókilderi.
Kóp jaǵdaıda qylmysqa júrgizýshilerdiń kólik kiltin beıtanys adamdarǵa berýi, esikti durys jappaı nemese kiltti salonda umytyp ketýi sebep bolýda.
