ShQO-da avtokóliktiń qujattaryn úıden shyqpaı-aq rásimdeýge bolady

ÓSKEMEN. QazAqparat - Óskemende Mamandandyrylǵan halyqqa qyzmet kórsetý ortalyǵynyń esigin eshkim buzyp kirgen joq. Áleýmettik jelilerde taratylǵan beınejazbany halyq durys túsinbeı qalǵan. Bul týraly Shyǵys Qazaqstan oblysyndaǵy Memlekettik qyzmet isteri jónindegi departameni basshysynyń orynbasary Qaırat Saparǵalıev málim etti, dep habarlaıdy QazAqparat.

«Qazirgi kúni oblys ortalyǵyndaǵy Mamandandyrylǵan halyqqa qyzmet kórsetý ortalyǵynda (AvtoTsonda) saǵattap kezek kútip turmaısyz. Árıne, shildeniń basynda mundaı oqıǵalar bolǵan. Muny jasyrmaımyz. Biraq qazir bul máseleniń bári retteldi», - deıdi Qaırat Saparǵalıev.

Mamandandyrylǵan qyzmet kórsetý ortalyǵynnyń júktemesin azaıtý maqsatynda búginde Óskemendegi Q.Sátpaev, Qazaqstan jáne Myza kósheleriniń boıyndaǵy HQKO-nan qosymsha «tereze» ashyldy. Endi sol jerlerge baryp, avtokóliktiń qujattaryn tez arada rásimdeýge bolady. «Sonymen qatar, úıde otyryp-aq ınternettiń kómegimen qujattardy alýǵa ótinish bildirip, bir saǵattan soń mamandandyrylǵan HQKO-ǵa kelip daıyn qujattardy alyp ketýge bolady», deıdi mamandar.