ShQO-da avtobýstar men poıyzdar óńirdiń qala, aýdandaryna qatynaı bastaıdy
ÓSKEMEN. QazAqparat – Shyǵys Qazaqstan oblysynyń Bas memlekettik sanıtarlyq dárigeriniń 2020 jylǵy 16 tamyzdaǵy №21 qaýlysyna ózgerister men tolyqtyrýlar engizildi, dep habarlaıdy QazAqparat tilshisi.
Qujatqa sáıkes, óńirdegi qala, aýdan arasynda qatynaıtyn avtobýstar men poıyzdar qaıta júre bastaıdy. Biraq Óskemendegi qoǵamdyq kólik áli de tek jumys kúnderi jolǵa shyqpaq.
«Myna obektilerdiń qyzmetine tyıym salý saqtalsyn: 1) oıyn-saýyq mekemeleri (karaoke, bılıard, kompıýterlik klýbtar, túngi klýbtar, boýlıng ortalyqtary, balalar oıyn alańdary men jabyq ǵımarattardaǵy attraktsıondar, batýttar jáne basqalar), kınoteatrlar, býkmeker, fýdkorttar, kalıan shegý oryndary, banket zaldary jáne barlar; 2) balalarǵa arnalǵan saýyqtyrý lagerleri; 3) qalalyq qoǵamdyq jaǵajaılar, ashyq alańdaǵy akvaparkter», - delingen qaýlyda.
Al jumysy saǵat 23.00-den 7.00-ge deıin shektelgen qoǵamdyq tamaqtaný oryndary men meıramhanalar 30 adamdy ǵana qabyldaı alady. Medıtsınalyq ortalyqtar men stomatologııaǵa (jazylý boıynsha), dárihana, azyq-túlik dúkenderi, bazarlar, saýda alańy 2000 sharshy metrge deıingi ortalyqtar, avtojýý, avtomobılderdi, turmystyq tehnıkany jóndeý mekemeleri, tyń, býhgalterdiń jáne konsaltıngtiń, jyljymaıtyn múlik jónindegi agenttiktiń, jarnama agenttikteriniń, sot oryndaýshylarynyń jáne t. b. qyzmetteri), aıyrbastaý pýnktteri, lombardtar, mektepke deıingi balalar uıymdary (15 adamnan aspaıtyn kezekshi toptar), monshalar (1 kelýshige 4 sh. m., tolymdylyǵy 50% - dan aspaıtyn jaǵdaıda), mádenıet obektileri (30 adamnan aspaıtyn jeke, toptyq repetıtsııalar), kitaphanalar, murajaılar qaıta jumysyn bastaıdy.
«Kelesi obektilerdiń qyzmetteri jumys kúnderi ruqsat etilip, demalys jáne mereke kúnderi shekteledi: 1) azyq-túlik sýpermarketteri men dárihanalardy qospaǵanda, saýda alańy 2000 sh. m. asatyn saýda úıleri, jelileri, saýda-oıyn-saýyq ortalyqtary; 2) azyq-túliktik emes jáne azyq-túlik satatyn jabyq bazarlar; 3) sulýlyq salondary, shashtarazdar, SPA ortalyqtary, kosmetologııalyq qyzmet kórsetetin obektiler; 4) fıtnes-ortalyqtar men sporttyq-saýyqtyrý ortalyqtary, basseınder, jattyǵý zaldary, sport keshenderi; 5) saýnalar; 6) ashyq aýadaǵy attraktsıondar; 7) dinı obektiler», - dep jazylǵan qujatta.
