ShQO-da avtobýs júrgizýshileri úsh kúnde 486 ret jol erejesin buzdy
ÓSKEMEN. QazAqparat – Shyǵys Qazaqstan oblysynda avtobýs júrgizýshileri úsh kúnde 486 ret jol erejesin buzǵan, dep habarlaıdy QazAqparat tilshisi.
Óńir aýmaǵynda tártip saqshylary «Avtobýs» jedel aldyn alý sharasyn júrgizýde. Mundaǵy maqsat – qoǵamdyq kólik júrgizýshileriniń jol erejelerin saqtaýyn, jolaýshylardyń tıisti talaptarǵa sáıkes tasymaldanýyn tekserý.
«Sharanyń úsh kúninde 486 ákimshilik quqyq buzýshylyq anyqtaldy. Onyń ishinde avtobýstan shyǵatyn gazdy normadan asyrý – 41, rýlde otyryp telefonmen sqılesý – 81, manevr jasaý qaǵıdalaryn buzý – 105. Sonyń nátıjesinde 21 qoǵamdyq kóliktiń qatynaýyna tyıym salyndy», - dedi ShQO PD Jergilikti polıtsııa qyzmeti basqarmasynyń bastyǵy Talǵat Nurıev.
Sondaı-aq tehnıkalyq aqaýy bar kólikti jelige shyǵarǵany úshin avtobýs parkteriniń 3 laýazymdy tulǵasy jaýapqa tartylǵan.
