ShQO-da avtobýs júrgizýshileri bir kúnde 170 ret jol erejesin buzǵan
ÓSKEMEN. QazAqparat – Shyǵys Qazaqstan oblysynda qoǵamdyq kólik júrgizýshileri bir kúnde 170 ret jol erejesin buzǵan, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, óńir aýmaǵynda 21 aqpannan bastap «Avtobýs» jedel-aldyn alý sharasy ótkizilýde. Ondaǵy maqsat – qoǵamdyq kólik júrgizýshileri arasynda jol erejesin buzýdyń aldyn alý. Bir kúnde 170-ten astam ereje buzý faktisi tirkeldi.
Atap aıtqanda, manevr jasaý erejelerin buzǵany úshin – 34, rýlde otyryp telefon paıdalanǵany úshin – 30-dan astam júrgizýshi ákimshilik jaýapkershilikke tartyldy. 130 avtobýstyń jylytý jáne elektr jabdyqtarynyń jaǵdaıyna sáıkestigi tekserildi.
«Sonymen qatar Semeı qalasynda jolaýshylardyń ómiri men densaýlyǵyna qaýip tóndirgen qoǵamdyq kóliktiń 41 jastaǵy júrgizýshisi anyqtaldy. Ol qarama-qarsy qozǵalys jolaǵyna shyǵý arqyly basqa kólikti basyp ozǵan. Osy buzýshylyq úshin er adam QR ÁQBtK-niń 596-baby 3-bóligine sáıkes jaýapqa tartyldy. Júrgizýshi 6 aı merzimge kólik tizgindeý quqyǵynan aıyrylýy múmkin», - delingen aqparatta.
