ShQO-da aýyr atletıkadan ashyq chempıonat ótip jatyr
ÓSKEMEN. QazAqparat - Óskemende 20 jasqa deıingi uldar jáne qyzdar arasynda aýyr atletıkadan ashyq chempıonat bastaldy, dep habarlaıdy «QazAqparat» HAA ShQO deneshynyqtyrý jáne sport basqarmasynyń baspasóz qyzmetine silteme jasap.
Jyl saıyn ótetin jarysqa bıyl 6 komanda qatysyp otyr. Óskemen jastarynan tys Semeı, Zyrıan, Rıdder qalalarynan, sondaı-aq Kúrshim jáne Shemonaıha aýdandarynan kelgen sportshylar 8 salmaq sanaty boıynsha kúsh synasýda.
Jarys jeńimpazdary men júldegerleri jeksenbi kúni anyqtalady. Báseke nátıjeleri jarııalanǵannan keıin, oblystyq qurama komandanyń quramy jasaqtalyp, ol ústimizdegi jyldyń 4-9 qarashasynda Aqtaý qalasynda ótetin respýblıkalyq birinshilikke daıyndyq jumystaryn bastaıdy.
