ShQO-da aýyl sharýashylyǵy basqarmasy sheneýnikterine aıyppul salyndy
ASTANA. QazAqparat - ShQO-da aýyl sharýashylyǵy basqarmasy basshysynyń orynbasary qyzmettik jalǵandyq úshin jaýapkershilike tartyldy, dep habarlaıdy Óskemen qalasynyń № 2 sotynyń baspasóz qyzmeti.
Óskemen qalasynyń № 2 soty QK-niń 307-babynyń 2-bóligi, 314-babynyń 2-bóligi (qyzmet ókilettigin teris paıdalaný, qyzmettik jalǵandyq) boıynsha E.Qýanyshevqa qatysty, QK-niń 28-babynyń 5-bóligi, 307-babynyń 2-bóligi, 314- babynyń 2-bóligi (qyzmet ókilettigin teris paıdalaný, qyzmettik jalǵandyq jasaýǵa járdemdesý) boıynsha E.Batholdınge qatysty qylmystyq isti qarady.
Sotta anyqtalǵandaı, E.Qýanyshev ShQO Aýyl sharýashylyǵy basqarmasy jetekshisiniń orynbasary bolǵan kezinde, E.Batholdın ShQO Aýyl sharýashylyǵy basqarmasy veterınarııa bóliminiń basshysy bolyp qyzmet atqarý barysynda janýarlardyń jemtikterin jáne bıologııalyq materıaldardy órteýge arnalyp jetkizilgen tehnıkanyń qajetti talaptarǵa sáıkes emestigine qaramastan, jetkizý aktilerine jabdyqtarǵa shaǵymdar joqtyǵy týraly jalǵan málimetter engizgen.
Sottyń úkimimen E.Qýanyshev QK-niń 307-babynyń 2-bóligi, E.Batholdın QK-niń 28-babynyń 5-bóligi, 307-babyyń 2-bóligi boıynsha qylmystyq quramnyń joqtyǵyna baılanysty aqtaldy. QK-niń 314-babynyń 1-bóligi boıynsha E.Qýanyshevqa jáne E.Batholdınge memlekettik organdarda jáne uıymdarda memlekettik qyzmetpen aınalysý quqyǵynan 3 jyl merzimge aıyra otyryp, 3 704 000 teńge kóleminde aıyppul taǵaıyndaldy.
Úkim zańdy kúshine engen joq.
