ShQO-da aýyl halqynyń 73 paıyzy taza aýyz sýmen qamtylǵan

ÓSKEMEN. QazAqparat -Shyǵysqazaqstandyqtardy taza aýyz sýmen qamtý sońǵy jyldarda keshendi túrde júzege asyrylyp keledi. Búgingi tańda ortalyqtandyrylǵan sýmen qamtamasyz etý júıesine qala halqynyń 97,8 paıyzy, al aýyl turǵyndarynyń 73 paıyzy qol jetkizgen, dep habarlaıdy QazAqparat tilshisi.

Munyń bári ómir súrý sapasyn arttyrýǵa baǵyttalǵan, basymdyq berilgen ınfraqurylymdyq joba - «Aqbulaq» baǵdarlamasynyń arqasynda múmkin bolyp otyr. Bul jóninde oblys ákimi Danıal Ahmetovtiń esepti kezdesýinde aıtyldy.

Ótken jyly 31,7 mlrd teńgeniń 50 jobasyn júzege asyrý boıynsha jumystar júrgizilgen. Salystyrmaly túrde aıtar bolsaq, 2015 jyly atalǵan soma bes ese az bolyp, nebary 6,2 mlrd teńgeni quraǵan eken.

Qazirgi ýaqytta 118 jobalyq-smetalyq qujattama boıynsha jumys atqarylyp jatyr. Atalǵan jobalardyń jalpy quny - 68 mlrd teńge.