ShQO-da aýyl ákimderi «partaǵa» qaıta otyrdy
ÓSKEMEN. QazAqparat - Shyǵys Qazaqstanda aýyl ákimderin oqytýǵa baǵyttalǵan ilki joba bastaldy, dep habarlaıdy QazAqparat tilshisi.
Shyǵys Qazaqstannyń 100 aýyldyq okrýgi jańa jyldan bastap derbes bıýdjet alǵan bolatyn. Dál osy okrýgterdiń ákimderi Óskemende kezeń-kezeńmen biliktilikterin shyńdaýǵa kirisip ketti. Birinshi kezekpen kelgen 50 ákimge alǵashqy dáristi oblys ákimi Danıal Ahmetov oqydy.
Dáris elimizde júrgizilip jatqan reformalardyń mańyzyn, bıýdjetti qurý, bekitý jáne oryndaý sııaqty aýqymdy taqyryptardy qamtydy qamtydy.
«Bıyl derbes bıýdjet aldyńyzdar. Endi aýyldastaryńyzdyń áleýmettik-ekonomıkalyq máselelerin memleketik menedjer retinde sizder sheshesizder. Biliktilikterińizdi arttyrý úshin arnaıy baǵdarlama jasadyq. Óńirlik basqarma basshylary da sizdermen jumys jasaıdy. Solar daıyndap bergen is-áreket algorıtmi boıynsha jumys isteıtin bolasyzdar», - dedi Danıal Ahmetov.
ShQO ákimi baspasóz qyzmetiniń habarlaýynsha, semınar tórt bólimnen turady. Birinshi kezeńde aýyl ákimderi Qazaqstannyń tarıhı damýy men qalyptasýyndaǵy memlekettik úrdistermen tanspaq. Ekinshi bólim memlekettik josparlaý men úkimettik baǵdarlamalardy oryndaý tásilderin qamtıdy. Qalǵan eki bólimde ákimder memlekettik qoldaý men kommýnaldyq menshikti basqarý mehanızmin úırenedi.
