ShQO-da aýdarylyp qalǵan júk kóliginiń júrgizýshisine kómek kórsetildi
ÓSKEMEN. QazAqparat – Shyǵys Qazaqstan oblysy Ulan aýdanynda aýdarylyp qalǵan júk kóliginiń júrgizýshisine kómek kórsetildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, jol-kólik oqıǵasy 14 qańtarda túngi saǵat 02.00-de Ulan aýdany Aıyrtaý aýylynda bolǵan. Júk kóligi aýdarylyp, júrgizýshi syrtqa shyǵa almaı qaldy.
«Oqıǵa ornyna kelip jetken qutqarýshylar «Mersedes» markaly júk kóliginen er adamdy shyǵara almaı jatqan polıtsııa qyzmetkerlerine kómek kórsetti. Er adam aman-esen shyǵarylǵan. Sodan keıin qysqa tuıyqtalýdy boldyrmaý úshin akkýmýlıator óshirildi», - dep habarlady vedomstvo ókilderi.
Jedel járdem dárigerleri 1990 jylǵy azamatty aýyr jaǵdaıda aýrýhanaǵa jetkizdi.
