ShQO-da aýdan ortalyǵynda aqyn Abaıǵa 7 metrlik eskertkish ornatyldy
ASTANA. QazAqparat - Shyǵys Qazaqstan oblysy Tarbaǵataı aýdanynyń ortalyǵy Aqsýat aýylynda uly Abaıdyń eńseli eskertkishi boı kóterdi. Bıiktigi 7 metrdeı tas tuǵyr ortalyq alańnyń ajaryn asha tústi, dep habarlaıdy 24.kz telearnasy.
Eskertkish avtory Qazaqstan sáýletshiler odaǵynyń múshesi Álibek Shoqanov. Jalpy alyp músindi ornatýǵa jergilikti kásipkerler «Týǵan jerge taǵzym» aktsııasy aıasynda 3,5 mln teńge jumsalǵan. Al onyń mańaıy aýdandyq bıýdjet esebinen abattandyrylǵan.
«Bıyl taǵy 2 eskertkishti jeke kásipkerler esebinen salǵyzamyz. Sol eskertkishterdiń mańynda adamdar demalatyn, balalar oınaıtyn alańdar salýymyz kerek. Onyń bári jergilikti bıýdjet esebinen júrgiziletin bolady», dedi Tarbaǵataı aýdanynyń ákimi Dildabek Orazbaev.
