ShQO-da aýa raıynyń kúrt buzylýyna baılanysty erteńge deıin joldar jabyldy

ASTANA. KAZINFORM — «QazAvtoJol» UK Shyǵys Qazaqstan oblysynda kólik qozǵalysyna shekteý qoıylǵanyn habarlady. Joldy 10 jeltoqsan saǵat 06:00–de ashý josparlanǵan.

2025 jylǵy 9 jeltoqsan saǵat 19:00–de aýa raıynyń buzylýyna baılanysty kelesi avtojoldarda júk jáne qoǵamdyq kólikterdiń qozǵalysyna shekteý qoıylady: 

— «Óskemen — Rıdder» avtojolynyń 15-105 shaqyrymy aralyǵy (Beloýsovka aýylynan Rıdder qalasyna deıin);

— «Óskemen — Shemonaıha» avtojolynyń 1104-1191 shaqyrymy aralyǵy (Glýbokoe aýylynan Shemonaıha qalasyna deıin);

— «Óskemen — Semeı» avtojolynyń 10-103 shaqyrym aralyǵy (Gerasımovka aýylynan Abaı oblysynyń shekarasyna deıin).

Aıta keteıik, 1403 baılanys ortalyǵyna habarlasyp, táýlik boıy jolǵa qatysty qosymsha aqparat alýǵa bolady.

Budan buryn elimizde 250 shaqyrym avtojol anyqtalǵan aqaýlarǵa baılanysty ýaqytsha tegin bolatyny aıtyldy.