ShQO-da ata-analar balalaryna vaktsına saldyrýdan ne sebepti bas tartady
ÓSKEMEN. KAZINFORM – Shyǵys Qazaqstan oblysynda áleýmettik jelilerde taralatyn aqparat ata-analardyń balalaryna vaktsına saldyrýdan bas tartýyna jıi sebep bolyp otyr.
Bul týraly ShQO Densaýlyq saqtaý basqarmasynyń ana men bala densaýlyǵyn qorǵaý bóliminiń basshysy Aıjan Komshabaeva málim etti.
Onyń aıtýynsha, áleýmettik jelilerdiń yqpaly saldarynan keıbir analar vaktsınatsııaǵa qatysty ustanymynan bas tartpaı otyr. Degenmen, medıtsına qyzmetkerleri ekpeden bas tartqan ata-analarmen júıeli túrde túsindirý jumystaryn júrgizip keledi.
- Árbir meıirbıke men ýchaskelik dáriger ekpeden bas tartqan ata-analardy jaqsy biledi. Olarmen epıdemıologtar men medıtsınalyq uıym basshylary da turaqty túrde áńgimelesedi. Biz de departament mamandarymen birge bul jumysqa qatysamyz. Sonyń nátıjesinde jyl saıyn ata-analardyń shamamen 20 paıyzy balalaryna vaktsına saldyrýǵa kelisim beredi, - dedi Aıjan Komshabaeva.
Sonymen qatar ol túsindirý jumystary túrli formatta júrgiziletinin atap ótti. Atap aıtqanda, semınarlar, dóńgelek ústelder uıymdastyrylyp, vaktsınadan bas tartý saldarynan aýyrǵan balalardyń jaǵdaılary talqylanatyn keıster qaralady.
Eske salsaq, osyǵan deıin ShQO-da balalardyń nebári 20%-y vaktsına alǵany habarlanǵan.
