ShQO-da áskerı qyzmetkerler sý tasqynyna qarsy jumystarǵa atsalysýda

ÓSKEMEN. QazAqparat - Shyǵys Qazaqstanda áskerı qyzmetshiler sý tasqynyna qarsy jumystarǵa atsalysýda, dep habarlaıdy QazAqparat Shyǵys Qazaqstan oblysy Tótenshe jaǵdaılar departamentiniń baspasóz qyzmetine silteme jasap.

Qaraǵandy oblysynan kelgen № 52859 áskerı bóliminiń jeke quramynan 50 adam jergilikti atqarýshy organdar men turǵyndarǵa qardy shyǵarý, aryqtar men sý ótkizý qubyrlaryn tazalaý jumystaryna belsendi kómek kórsetýde.

Olar Altaı aýdanynda uzyndyǵy 53 metr muzdy kesti, 9 sý ótkizý qubyrlary men 3700 metr aryqty tazalady, ınertti materıal salynǵan 720 qap tósedi, 15 úıdiń aýlasy qar men muzdan tazadlandy. Jeke quram táýlik boıy Buqtyrma men Hamır ózenderindegi jergilikti toǵannyń sý deńgeıine monıtorıng júrgizýde.

Kókpekti aýdanynda 400 metr aryq tazalandy, 16 aýla men 15 sý qubyry tazalanyp, 48 metr muz kesildi, 2500 qap tóseldi.

Eske salatyn bolsaq áskerı qyzmteshiler Qazaqstan Respýblıkasy Tótenshe jaǵdaılar mınıstriniń nusqaýyna sáıkes kelgen jáne sý tasqyny qaýipti aýdandarda ornalasty.