ShQO-da «Ashyq» jobasyna 21 nysan qosyldy

ÓSKEMEN. QazAqparat – Shyǵys Qazaqstan oblysynda «Ashyq» jobasyna 21 nysan qosyldy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda óńir aýmaǵynda «Ashyq» jobasynyń iske asyrylatyndyǵy týraly jazylǵan.

«26 sáýirden bastap atalǵan joba fıtnes-klýbtarda (ıoga ortalyqtaryn qosa alǵanda), spa-ortalyqtarda, saýnalar men basseınderde, boýlıng jáne kompıýterlik klýbtarda qosylǵan. Sonymen qatar qoǵamdyq tamaqtaný oryndary, kınoteatrlar, teatrlar, fılarmonııalar «Ashyq» jobasy aıasynda iske qosylady. Bul jańashyldyq qalalyq jáne oblysaralyq týrıstik tasymaldaýda da qoldanylady», - delingen qujatta.

5 mamyrdan bastap karaoke men banket zaldary koronavırýs ınfektsııasyn juqtyrý kórsetkishi tómen aımaqtarda joba boıynsha jumys isteı bastaıdy.

Jobaǵa qosylǵan obektiler qala nemese aýdan «qyzyl» aımaqta tursa «sary» aımaq kezindegi talaptar boıynsha jumys isteıdi. Al «sary» aımaqta bolsa, sáıkesinshe «jasyl» aımaqtyń shekteýlerine baǵynady.

Qazirgi ýaqytta oblys boıynsha «Ashyq» jobasyna 21 nysan qosylyp otyr.