ShQO-da Áset Naımanbaev atyndaǵy dástúrli ánder baıqaýynyń jeńimpazdary belgili boldy
ÓSKEMEN. QazAqparat - Áset Naımanbaev atyndaǵy «Іnjý-marjan» ІІІ respýblıkalyq dástúrli ánder baıqaýy aıaqtaldy. Qazaqstan Táýelsizdiginiń 25 jyldyǵyna arnalǵan baıqaýdyń úzdik ánshileri anyqtaldy. Baıqaý qorytyndysy boıynsha Almaty, Aqtóbe jáne Úrjar aýdanynyń ókilderi 3-shi orynǵa ıe boldy. ІІ jáne І oryndarǵa shyǵysqazaqstandyqtar qol jetkizdi. Al bas júldege Aqmola oblysynyń ókili Asqar Muqııat ıe boldy.
ShQO ákiminiń orynbasary Jaqsylyq Omar qatysýshylarǵa baıqaýǵa belsendi qatysqany úshin alǵys bildirdi. Sondaı-aq ol kelesi jyly Áset Naımanbaev týǵanyna 150 jyl bolatynyn aıtty.
Úrjar aýdany ákimshiliginiń usynysymen Á. Naımanbaev atyndaǵy ádebı-memorıaldyq mýzeı meńgerýshisi Áben Taıǵynulyna Úrjar aýdanynyń qurmetti azamaty ataǵy berildi. Shara gala-kontsertke ulasty.
