ShQO-da asa iri kólemdegi psıhotroptyq zattar saqtalǵan qoıma anyqtaldy
ÓSKEMEN. KAZINFORM – Shyǵys Qazaqstan oblysynda psıhotroptyq zattar saqtalǵan qoıma anyqtalyp, eki kúdikti ustaldy.
ShQO polıtsııa departamentiniń málimetine súıensek, tártip saqshylary jedel-izdestirý sharalary barysynda tyıym salynǵan ınternet-dúkenniń «qoıma-oraýshylary» retinde áreket etken 22 jáne 23 jastaǵy eki kúdiktini ustady.
- Anyqtalǵan qoımaǵa shuǵyl tintý júrgizý kezinde kók tústi ızolentamen oralǵan ishinde aq tústi untaq tárizdi zaty bar polımerli paket tárkilendi. Saraptama qorytyndysyna sáıkes, atalǵan zat jalpy salmaǵy 498,20 gramm bolatyn «a-PVP» júıkege áser etetin zat ekeni belgili boldy, - delingen aqparatta.
23 jastaǵy kúdiktiniń páterinen untaq tárizdi zat salynǵan plastık ydys, zıp-paketter, elektrondy tarazy, magnıtter jáne respırator tabyldy. Saraptama nátıjesine sáıkes, tárkilengen zat 168,12 gramm salmaqtaǵy «3-hlormetkatınon» psıhotroptyq zaty bolyp shyqty.
Tárkilengen psıhotroptyq zattardyń jalpy salmaǵy 600 gramnan asty. Bul asa iri mólsherdegi kórsetkish. Kúdiktiler Shyǵys Qazaqstan oblysyna ózge óńirden kelgen.
Messendjer arqyly nusqaýlar alyp otyrǵan olar jaldamaly páterdi qoıma retinde paıdalanyp, sol jerde turyp, tyıym salynǵan zattardy býyp-túıýmen aınalysqan.
- Atalǵan fakti boıynsha sotqa deıingi tekserý júrgizilip jatyr. Kúdiktiler ýaqytsha ustaý ızolıatoryna qamaldy, - delingen habarlamada.
Eske salsaq, osyǵan deıin Aqtóbede iri kólemdegi sıntetıkalyq esirtki tárkilengeni habarlanǵan.