ShQO-da arnaıy jabdyqtalmaǵan jaǵalaýda shomylǵan er adam sýǵa batyp ketti

ÓSKEMEN. QazAqparat – Shyǵys Qazaqstan oblysynda arnaıy jabdyqtalmaǵan jaǵalaýda sýǵa shomylǵan er adam batyp ketti, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 20 maýsymda Glýbokoe aýdany Beloýsovka aýylynda bolǵan.

40 jastaǵy azamat Glýbochanka kólindegi arnaıy jabdyqtalmaǵan ýchaskede shomylyp júrgen.

Er adam jaǵalaýǵa dostarymen birge kelgen.

Jaqyn jerde tyıym salynǵan belgi tursa da elemeı, sýǵa tústi. Sonyń saldarynan ol batyp ketken.

TJD-nyń jedel-qutqarý jasaǵynyń súńgýirleri oqıǵa ornyna kelip jetip, onyń denesin sýdan alyp shyqty.

«Tyıym salynǵan belgi - bul adamdardyń qaýipsizdik sharalaryn saqtaýy úshin qoıylǵan eskertý. Osyndaı belgi turǵan ýchaskelerde múlde shomylýǵa bolmaıdy. Sebebi onda qatty aǵyn, tereń ıirim jáne jaqyn mańda qutqarýshylar beketi joq», - deıdi departament bastyǵynyń orynbasary Arman Toqanov.