ShQO-da arheologııalyq jádigerlerdiń 3D nusqasy jasalmaq

ÓSKEMEN. QazAqparat - Dáýlet Serikbaev atyndaǵy Shyǵys Qazaqstan memlekettik tehnıkalyq ýnıversıtet bazasynda tarıhı jádigerlerdiń tsıfrlyq derekqory qurylatyn boldy, dep habarlaıdy QazAqparat tilshisi.

Atalmysh joba «Digital East - Bolashaqqa qadam» atty óńirlik ІT-forýmda úzdik dep tanylǵan bolatyn. Ýnıversıtet ǵalymdary oblystaǵy sırek kitaptar men kóne qoljazbalardy, arheologııalyq jádigerler men eski kartalardy, fotosýretter men arhıv qujattaryn biryńǵaı tsıfrlyq derekqorda saqtaýdy usynyp otyr. Sonyń arqasynda tarıhı qundy qujattardyń barlyǵyn 2021 jylǵa deıin tsıfrlyq qalypta kórýge múmkindik týmaq. Al arheologııalyq jádigerlerdiń 3D nusqasy jasalmaq.

Joba «Paryz» demeýshilik qory arqyly qarjylandyrylady. Jyl saıyn bólinetin 24 mln teńgeni ShQMTÝ mamandary ıgerip, onyń maqsatty jumsalýyn oblystyq mádenıet basqarmasy qadaǵalaıdy.

«Ýnıversıtet bazasynda tsıfrlyq derekqor saqtaýǵa tolyq múmkindik bar. Tehnıkalyq qondyrǵylar da, baǵdarlamalyq jabdyqtar da, bilikti mamandar da barshylyq» - deıdi ShQMTÝ prorektory Sáýle Rahmetýllına.