ShQO-da apatty jaǵdaıda turǵan úıdiń turǵyndary ákimdikke shaǵymdandy
ÓSKEMEN. KAZINFORM – Shyǵys Qazaqstan oblysy Glýbokoe aýdany Beloýsovka kentiniń turǵyndary úıleriniń apatty jaǵdaıda ekenin aıtyp, ákimdikke shaǵymdandy.
Belgili bolǵandaı, Beloýsovka kentindegi ıÝbıleınaıa kóshesi, 7 mekenjaıyndaǵy kópqabatty úıge jasalǵan saraptamada úıdiń eki kireberisi turýǵa jaramsyz dep tanylǵan. Odan keıin osyndaǵy 34-shi páterdiń turǵyndary jańa úıge kóshirilgen. Al, ǵımarattyń bir bóligi turýǵa jaramdy dep tanylǵandyqtan másele sol kúıi qaraýsyz qalǵan.
«Sońǵy ýaqytqa deıin bul ǵımarattyń turǵyndarynan jazbasha ótinishter bolǵan joq. Jańa saraptama júrgizilmeıinshe, biz eshqandaı sheshim qabyldaı almaımyz. Soǵan qaramastan turǵyndarmen sóılesip, ortaq kelisimge keldik», - dedi Glýbokoe aýdanynyń ákimi Eldar Tumashınov.
Buǵan deıin jasalǵan saraptamadan keıin bul úıdiń qaýipti ekeni rastalǵan. Degenmen, ony turýǵa jaramsyz dep taný týraly naqty sheshim qabyldaý úshin ǵımarattyń qazirgi jaǵdaıyn baǵalaýǵa múmkindik beretin qaıtalama tehnıkalyq saraptama qajet. Osydan keıin úıdiń bolashaq taǵdyry týraly másele sheshimin tappaq.
Turǵyndarǵa birneshe múmkindik usynylyp otyr. Atap aıtqanda, basqa úılerge kóshý, keıinnen ótemaqy tóleı otyryp, olardyń múlkin satyp alý. Sondaı-aq ákimdik halyqqa qoljetimdi ıpotekalyq baǵdarlamalar arqyly jańa baspana satyp alýǵa kómektesýge daıyn.
