ShQO-da apatqa ushyraǵan tikushaq ushqyshynyń denesi tabyldy
ASTANA. QazAqparat - Shyǵys Qazaqstanda apatqa ushyraǵan tikushaq ushqyshynyń denesi tabyldy, dep habarlaıdy YK-news.kz ShQO TJD baspasóz qyzmetine silteme jasap.
Tergeý-jedel toby men qutqarýshylar qulaǵan tikushaqtyń 47 jastaǵy ushqyshy - Petr Ýstınovtyń denesin tapty. Ol MI-8 tikushaǵymen Aıagózge jetkiziledi.
«Apat oryn alǵan jerde ІІD tergeý-shuǵyl toby jumystaryn jalǵastyrady. Olarmen Shyǵys óńirlik aeroutqyr jedel qutqarý jasaǵy birge qalady», - dep habarlady ShQO TJD baspasóz qyzmetinde.
Buǵan deıin QR Investıtsııalar jáne damý mınıstrligi qulaǵan tikushaqtyń ıesi anyqtalǵandyǵyn málim etken bolatyn.
Eske sala ketsek, keshe Shyǵys Qazaqstan oblysynda jekemenshik «Strekoza 7-Gazelle SA341» tikushaǵy apatqa ushyrady. Ony izdeýge búgin tańerteń oblys ortalyǵynan bortynda qutqarýshylar toby jáne ShQO TJD basshysynyń orynbasary bar MI-8, Semeı qalasynan MI-17 áskerı tikushaǵy ushyp shyqty. ShQO TJD daǵdarys ortalyǵynda jáne Aıagóz aýdanynda jedel shtab quryldy.
«S-341»-di Almaty oblysynan izdeýge attandyrylǵan jeke kompanııanyń MI-2 tikushaǵy tapty.
«Qazaeronavıgatsııanyń» málimetinshe, joǵalǵan tikushaq Aıagóz qalasynan soltústik batysqa qaraı 60 km jerden tabyldy. Olardyń habarlaýynsha, ushqysh qaza tapqan. Aman qalǵan bir jolaýshy Aıǵyz aýylyna jetkizildi.
