ShQO-da «Altyn Turǵysyn» festıvaliniń jeńimpazy anyqtalady
ÓSKEMEN. QazAqparat - Zyrıanov aýdany Kýtıha aýylynda búgin keshke 7 shildede ashylǵan «Altyn Turǵysyn» halyqaralyq óner festıvali aıaqtalady, - dep habarlady «QazAqparat» HAA tilshisi.
«Týǵan jer» baǵdarlamasyn iske asyrý aıasynda ótkizilgen shara festıvaldiń alǵashqy prezıdenti, uıymdastyrýshysy, jazýshy, aqyn Aleksandr Egorovqa arnalady.
«Altyn Turǵysyn» festıvali arqasynda Kýtıha aýyly ánshi-aqyn, ádebıetshi, jyrshy, sýretshi jáne basqa da shyǵarmashylyq adamdary arasynda tanymal bola bastady. Jaz saıyn Turǵysyn ózeni jaǵasyna tanymal ánshiler men aqyndar kelip, jańa daryndardy anyqtaıdy. Dástúrli túrde baıqaýǵa sýretshiler, aqyndar, prozaıkter, fotograftar, vıdeosıýjet, slaıd-fılm avtorlary, dekorotıvtik-qoldanbaly óner sheberleri, folklorlyq ujymdar qatysa alady. Jeńimpazdardy 4 nomınatsııa boıynsha tańdaıdy.
Bıyl baıqaýǵa 2,5 myń adam qatysady. Olar ShQO-ǵa Almaty, Óskemen, Sankt-Peterbýrg, Novosibir, Barnaýyl, sondaı-aq ShQO-nyń ár aýdandarynan keldi.
Búgin gala-kontsert ótedi, festıvaldiń barlyq qonaqtary «Altyn Turǵysyn» dıplomyn alady. Jeńimpazdardyń esimi belgili bolady.
