ShQO-da altyn tamyr qazǵandar ustaldy
ÓSKEMEN. QazAqparat - Shyǵys Qazaqstan oblysynyń polıtsııa departamenti altyn tamyr qazýmen aınalysqan Almaty oblysynyń turǵyndaryn ustady, dep habarlaıdy QazAqparat tilshisi.
ShQO polıtsııa departamentiniń habarlaýynsha, saqshylar jergilikti «Ohotzooprom» mekemesiniń ınspektorlarymen birge Zaısan aýdanynda reıd júrgizgen. Osy reıd barysynda 12 adamnan turatyn toptyń qylmysy áshkerelengen.
«12 adamnan turatyn toptan Qyzyl kitapqa engen altyn tamyrdyń 10 qap óskini tárkilendi. Olardyń bul zańsyz áreketin Keńsaı aýylyna qarasty Kóktomar mekeniniń turǵyndary habarlaǵan. Qazirgi tańda ustalǵandardyń aty-jóni anyqtaldy. 12 adamnyń eń jasy 21-de bolsa, eń úlkeni 51-de. Qaptaǵy ósimdiktiń «altyn tamyr» ekenin rastaý úshin saraptama júrgiziledi. Kúdiktilerge qarsy qylmystyq kodekstiń 339-baby boıynsha sotqa deıingi tergeý bastaldy», - deıdi departamenttiń baspasóz qyzmetiniń mamany Azamat Raısov.
