ShQO-da alty kún ishinde qarýdy zańsyz saqtaǵan 25 adam anyqtaldy
ÓSKEMEN. QazAqparat – Shyǵys Qazaqstan oblysynda alty kún ishinde qarýdy zańsyz saqtaýdyń 25 faktisi anyqtaldy, dep habarlaıdy QazAqparat tilshisi.
«Qarý» jedel aldyn alý sharasy barysynda polıtsııa qyzmetkerleri 4600-den astam qarý-jaraq ıesine turǵylyqty mekenjaıy boıynsha tekserý júrgizdi. Sonyń nátıjesinde qarýdy saqtaý jáne qaıta tirkeý erejelerin buzǵan 181 adamǵa ákimshilik hattama toltyrylǵan.
ShQO Polıtsııa departamentiniń bastyǵy Saǵat Mádıevtiń aıtýynsha, shara barysynda tártip saqshylary zańsyz aınalymdaǵy 32 dana qarý men 146 oq-dárini anyqtap, 25 adamdy ákimshilik jaýapkershilikke tartty. Sondaı-aq, QR QK-niń 287-babymen 6 qylmystyq is qozǵalǵan.
«6 maýsym kúni «Qarý» jedel aldyn alý sharasy kezinde Katonqaraǵaı aýdanyndaǵy 42 jastaǵy er adamnyń as bólmesinde zańsyz saqtalǵan 12 kalıbrli sholaq myltyq pen 8 oq tabyldy. Qazirgi ýaqytta oǵan qatysty sotqa deıingi tergeý amaldary júrgizilýde», - deıdi Saǵat Mádıev.
Aıta keteıik, atalmysh shara 14 maýsymǵa deıin júrgizilmek.
