ShQO-da «Altaı — túrki áleminiń altyn besigi» festıvali aıasynda ulttyq sport túrlerinen jarystar ótti
ÓSKEMEN. KAZINFORM — Katonqaraǵaı aýdanynda ótip jatqan halyqaralyq «Altaı — túrki áleminiń altyn besigi» festıvali aıasynda ulttyq sport túrleri — kókpar men báıge jarystarynyń jeńimpazdary marapattaldy.
Kókpar básekesiniń qorytyndysy boıynsha Ulan aýdany 1 oryn, Kúrshim aýdany 2 oryn, Altaı aýdany 3 oryn aldy. Al qunan báıgede Samar aýdanynan Muhammedálı Namozov, jorǵa jarysynda Zaısan aýdanynan Aıqyn Ámirbekov, al top báıgede Kúrshim aýdanynan Qaısar Sarqytov jeńis tuǵyrynan kórindi.
— Jeńimpazdar men júldegerlerdi shyn júrekten quttyqtaımyn! Ulttyq sport — halqymyzdyń rýhyn kóteretin, urpaq sabaqtastyǵyn jalǵaıtyn baǵa jetpes mura. Osyndaı dúbirli dodalar el birligin nyǵaıtyp, jas urpaqtyń ulttyq qundylyqtarǵa degen qurmetin arttyra beretinine senimdimin, — dedi oblys ákimi Nurymbet Saqtaǵanov.
