ShQO-da alıment tólemeı júrgen 200-den astam adam anyqtaldy
ÓSKEMEN. QazAqparat – Shyǵys Qazaqstan oblysynda jyl basynan beri alıment tóleýden jaltaryp júrgen 200-den astam adam anyqtaldy, dep habarlaıdy QazAqparat tilshisi.
ShQO Polıtsııa departamenti Kóshi-qon qyzmeti basqarmasynyń mamandary alıment tólemegeni úshin izdestirilip jatqan adamdardy anyqtaý boıynsha jumys júrgizýde. 2021 jyldyń basynan beri tártip saqshylary sot oryndaýshylarynan jasyrynǵan 200-den astam azamatty tapty.
«Máselen, Óskemende polıtseılerge jeke sot oryndaýshysynan 3 500 000 teńge qaryzy bar 45 jastaǵy alıment tólemeýshini izdestirý týraly qaýly kelip tústi. Bir táýlik ishinde kóshi-qon qyzmetiniń ókilderi er adamnyń ornalasqan jerin anyqtady. Qala turǵyny 7 jyldan astam ýaqyt boıy kámeletke tolmaǵan balasyna alıment tólemegeni belgili boldy. Tıisti qarajatty óndirip alý úshin oblystyq PD bastyǵy Saǵat Mádıev.
Osy rette, tártip saqshylary atqarý qujatyn oryndamaǵandarǵa QR QK-niń 139-baby (balalardy asyraýǵa qarajat tóleý jónindegi mindetterdi oryndamaý, eńbekke jaramsyz ata-anasyn, eńbekke jaramsyz jubaıyn asyraýǵa qarajat tóleýden jaltarý) boıynsha qylmystyq jaýapkershilik kózdelgenin eskertedi.
