ShQO-da alıment tólemegen 300-den astam adam anyqtaldy

ÓSKEMEN. QazAqparat – Shyǵys Qazaqstan oblysynda jyl basynan beri balalaryna alıment tólemegen 300-den astam adam anyqtaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Altaı aýdandyq PB kóshi-qon qyzmeti bólimshesine jeke sot oryndaýshysynyń uıǵarymy kelip tústi. Onda jazylǵandaı, 43 jastaǵy áıel kámeletke tolmaǵandardy beıimdeý ortalyǵynda turatyn úsh balasyna bir jyldan astam ýaqyt boıy alıment tóleýden jaltaryp kelgen. Bereshektiń jalpy somasy 500 000 teńgege jetti.

«Іzdestirý sharalaryn júrgizgen kóshi-qon qyzmetiniń mamandary 5 kún ishinde azamatshanyń turǵylyqty mekenjaıyn anyqtaǵan. Endi odan aqshany óndirip alýmen sot oryndaýshylary aınalysatyn bolady», - dedi oblystyq PD bastyǵy Saǵat Mádıev.