ShQO-da alıment tólemegen 29 áke qylmystyq jaýapkershilikke tartyldy

SEMEI. QazAqparat - Shyǵys Qazaqstan oblysynda alıment tóleý máselesi prokýratýra baqylaýynda. Qaryzdyń somasyn tómendetý maqsatynda boryshkerlermen túsindirý jáne shekteý sıpatyndaǵy jan-jaqty jumys júrgizilýde.  Nátıjesinde búginde 3,5 myń balaǵa alıment tólendi, dep habarlaıdy QazAqparat.

Qazirgi kezde oblystyń barlyq aýmaqtarynda alıment tólemeıtin ákelermen kúresý úshin jumys toptary qurylǵan. Onyń quramyna quqyq qorǵaý, prokýratýra organdarynyń qyzmetkerleri, sot oryndaýshylary men basqa da múddeli uıymdardyń ókilderi kiredi.

 Osy jyly birlesken jumys pen qoldanylǵan sharalardyń arqasynda jalpy somasy 130 mln teńge kóleminde bereshek óndirildi. 3,5 bala ózderiniń ata-analarynan aı saıyn zańdy tólemderdi alýda. Sonymen qatar alıment tóleýden qasaqana jaltarǵandarǵa qatysty qatań sharalar qoldanyldy.

«Aǵymdaǵy jyldyń basynan beri  kámeletke tolmaǵandardy asyraý mindetterin oryndamaǵany úshin 116 boryshker áke ákimshilik jaýapkershilikke tartylsa, 107 -i qamaýǵa alynyp, 9 - yna aıyppul salynǵan. 29 boryshker qylmystyq jaýaptylyqqa tartyldy. 22 tulǵaǵa qatysty bas bostandyǵynan shekteý túrinde jaza qoldanylyp, jábirlenýshilermen tatýlasýyna baılanysty 7 boryshkerge qatysty is toqtatyldy»,-dedi  ShQO prokýratýrasynyń baspasóz qyzmetinen.