ShQO-da alıment boıynsha 15,6 mln teńge bereshek óndirildi
ASTANA. KAZINFORM — ShQO Rıdder qalasy prokýratýrasynyń úılestirýimen alıment boıynsha 15 mln teńgeden astam bereshek óndirildi.
Rıdder qalasynyń prokýratýrasy alımenttik mindettemelerdiń oryndalýyna júrgizilgen taldaý barysynda kámeletke tolmaǵan balalaryn asyraýǵa qarajat tóleý jónindegi mindetterin uzaq ýaqyt boıy oryndamaǵan 19 boryshkerdi anyqtady.
Bereshektiń bolýyna qaramastan, jeke sot oryndaýshysy ony óndirý boıynsha tıisti sharalardy qabyldamaǵan.
Prokýrorlyq qadaǵalaý aktisi engizilgennen keıin boryshkerlermen quqyqtyq túsindirý jumystary júrgizilip, alıment boıynsha bereshek jalpy somasy 15,6 mln teńgege ishinara óteldi.
Sonymen qatar, jyl basynan beri prokýrorlyq qadaǵalaý nátıjeleri boıynsha balalardy asyraýǵa qarajat tóleý jónindegi mindetterdi oryndamaǵany úshin Qazaqstan Respýblıkasy Qylmystyq kodeksiniń 139-babymen 20 qylmystyq is sotqa joldandy.
Onyń ishinde 15 qylmystyq is boıynsha sottar aıyptaý úkimderin shyǵardy.
Aıta ketelik Qyzylordada 264 mln teńgeden astam alıment qaryzy óndirilgen edi.
