ShQO-da alǵash ret kerlıngten jarys ótti
ÓSKEMEN. QazAqparat - Óskemen qalasynda alǵash ret kerlıngten birinshi oblystyq týrnır ótti, dep habarlaıdy QazAqparat.
Abaıdyń 175 jyldyǵy aıasynda uıymdastyrylyp otyrǵanbul jarysqa jalpy5 komanda qatysty.
«2015 jyly ǵana óńirimizde kerlıng bólimi ashylǵan bolatyn. Búginde bul sport túrine qyzyǵýshylar kóbeıip keledi. Endi mine alǵash ret kerlıngten І oblystyq týrnır uıymdastyrylyp otyr. Aldaǵy ýaqytta odan saıyn damı túsip, dástúrli jarys retinde ótkiziletinine senimdimin», – dedi ShQO Dene shynyqtyrý jáne sport basqarmasynyń basshysy Denıs Rypakov.
Jarys qorytyndysy boıynsha Ulan aýdanynyń komandasy 1-orynǵa ıe boldy. D. Serikbaev atyndaǵy ShQMTÝ 2-orynǵa turaqtasa, 3-oryndy «Lucky stone» komandasy qanaǵat tutty.
«Kerlıng – muz aıdynynda ótetin komandalyq oıyn. Ereje boıynsha 2 komanda kezekpen tastardy muz betinde syzyqpen belgilengen nysanǵa jiberedi. Tastyń jyldamdyǵy tómen bolǵan jaǵdaıda, muzdy arnaıy jabdyqpen úıkelep, nysanǵa deıingi aýmaqqa jol ashýǵa bolady», - deıdi basqarmanyń baspasóz qyzmetiniń basshysy Eljan Qaıyrhanov.
