ShQO-da áleýmettik jelide ultaralyq arazdyqty qozdyrǵan er adam qamaýǵa alyndy

ÓSKEMEN. KAZINFORM – Shyǵys Qazaqstan oblysynda áleýmettik jelide tikeleı efırde ultaralyq arazdyqty qozdyrý faktisi tirkeldi.

Polıtsııaǵa jergilikti turǵyn aryzdanyp, tikeleı efır kezinde ulttyq negizde balaǵat sózder aıtyp, qorlaıtyn pikirler bildirgen TikTok paıdalanýshysyna qatysty shara qoldanýdy suraǵan.

- Tergeý barysynda 35 jastaǵy er adamnyń birneshe akkaýnt arqyly translıatsııa júrgizgeni jáne keıinnen olardyń biri joıylǵany anyqtaldy. Tikeleı efırler basqa paıdalanýshylardyń qatysýymen «batl» formatynda ótken. Sóılesý kezinde ol boljam boıynsha mas kúıde túrli etnos ókilderine dóreki sózder aıtyp, qorlaıtyn jáne namysqa tıetin málimdemeler jasaǵan, - dep habarlady ShQO polıtsııa departamentinen. 

Beınematerıaldar boıynsha psıhologııalyq-fılologııalyq taldaý júrgizilip, ultaralyq arazdyqty qozdyrý belgileri bar ekeni rastaldy.

- Qazirgi ýaqytta kúdikti ýaqytsha ustaý ızolıatoryna qamaldy. Sotqa deıingi tergeý amaldary júrgizilip jatyr, - delingen aqparatta. 

Eske salsaq, osyǵan deıin ultaralyq arazdyq qozdyrǵandar 20 jylǵa deıin bas bostandyǵynan aıyrylatyndyǵy habarlanǵan.