ShQO-da áleýmettik azyq-túlik baǵasyn negizsiz kótergen deldaldar anyqtaldy

Bul týraly Óńirlik kommýnıkatsııalar qyzmeti alańynda ótken brıfıngte ShQO boıynsha Saýda jáne tutynýshylardyń quqyqtaryn qorǵaý departamentiniń basshysy Ashat Saǵıdoldın málim etti. 

- Máselen, elektrondyq shot-faktýralardy taldaý barysynda kásipkerlerdiń biri qaraqumyq, qant pen tuzdy ózi basqaratyn basqa kompanııaǵa qaıta satyp, baǵany birneshe esege ósirgeni belgili boldy. Sonyń saldarynan qaraqumyqtyń ústeme baǵasy 127 paıyzǵa, qant 45, al ıodtalǵan tuzdiki 41 paıyzǵa jetken, - deıdi ol. 

Zań boıynsha áleýmettik mańyzy bar azyq-túlikke saýda ústemesi 15 paıyzdan aspaýy tıis. Zańdy buzǵan kásipker ákimshilik jaýapkershilikke tartylyp, deldal saýda tizbeginen shyǵaryldy. 

Bıyl óńirde osyndaı zańsyz deldaldyq shemalardy anyqtaý maqsatynda 32 komıssııa otyrysy ótip, ondaǵan kásipker jaýapkershilikke tartylǵan.

Eske salsaq, osyǵan deıin ShQO-da azyq-túlik baǵasyn ósirgen kásipkerlerge qatysty 81 is qozǵalǵany anyqtalǵan.