ShQO-da áleýmettik nysandar 1 tamyzǵa deıin kómirmen tolyq qamtylady
Aımaq basshysy qala jáne aýdan ákimderimen, basqarma basshylarymen ótken jınalys barysynda aldaǵy jylytý maýsymyna daıyndyq jumysy týraly sóz qozǵady.
«Buǵan deıin Óskemen qalasynyń ákimine birqatar syn-eskertý jasalǵan bolatyn. Sondaı-aq Rıdderdegi jylý elektr ortalyǵynda qıyndyqtar týyndady. Mundaı jaǵdaılar endi qaıtalanbaýy tıis. Ár ákim kómirdi jetkizý, jóneltý merzimderi men otyn mólsheri naqty kórsetilgen keste jasaýy kerek», - dedi Danıal Ahmetov.
Onyń aıtýynsha, satý oryndarynyń jumysyn tekserip, alypsatarlarlyqty boldyrmaý qajet.
«1 tamyzǵa deıin áleýmettik nysandarla kómirdiń júz paıyzdyq qory bolýy tıis. Al qyrkúıektiń basyna qaraı qalalar men aýdandardyń jylýmen jabdyqtaý júıelerindegi barlyq jóndeý jumystary aıaqtalý kerek. Taǵy bir mańyzdy másele - jylý berý deńgeıi. Atqarylǵan jumystar boıynsha esepterdi apta saıyn tyńdaıtyn bolamyn. 15 qyrkúıekke qaraı óńirdiń barlyq nysanynda 2022-2023 jyldardaǵy jylytý maýsymyna ázirlik pasporttary bolýy tıis», - dedi ShQO ákimi.
