ShQO-da áleýmettik mańyzy bar azyq-túlik taýarlarynyń baǵasy qalaı turaqtandyrylady
Vedomstvo málimetinshe, qazirgi ýaqytta áleýmettik mańyzy bar azyq-túlik taýarlarynyń baǵalaryn turaqtandyrý úshin kásipkerlik sýbektilerine qaryz berildi. 1 597 kóterme satýshylarmen, aýyl sharýashylyǵy taýar óndirýshilerimen jáne saýda nysandarymen eń az 7 paıyzdyq saýda ústemesin qoldaný týraly memorandýmdar jasaldy. 2021 jyldyń kúzinde áleýmettik mańyzy bar azyq-túlik taýarlarynyń baǵasyn turaqtandyrý tetikterin iske asyrýǵa oblystyq bıýdjetten 1,404 mlrd teńge bólindi. 2021 jyly «aınalym shemasy» aıasynda kartop, sábiz, pııaz, qyryqqabat, un, kúrish, qant, qaraqumyq jarmasy, kúnbaǵys maıy, jumyrtqa baǵalaryn turaqtandyrý úshin jeńildikti qaryzdar berildi. Qazirgi ýaqytta «aınalym shemasy» aıasynda (osy jyldyń 25 qańtaryndaǵy jaǵdaı boıynsha) 4 595 tonna bakaleıa ónimderi bar, onyń ishinde: qant - 82 tonna, rojkı – 152 tonna, un – 1 358 tonna, kúrish - 97 tonna, qaraqumyq jarmasy – 1 237 tonna, kúnbaǵys maıy – 1 669 tonna jáne jemis-kókónis ónimderi – 8 455 tonna.
«Búgingi kúni «Agrofırma Prırechnoe« JShS aınalym shemasy aıasynda Óskemen jáne Semeı qalalarynyń turaqtandyrý qory núktelerinde jemis-kókónis ónimderin (kartop, sábiz, qyryqqabat, pııaz) tómendetilgen belgilengen baǵalar boıynsha ótkizý júzege asyrylýda. «Ertis« ÁKK « AQ « mamandandyrylǵan uıymynyń saýda nysandarynda kartop, qyryqqabat jáne sábiz kelisi 82 teńge baǵamen satylady. Ónim qorlary baǵany turaqtandyrý tetikterin iske asyrý týraly sharttarda kózdelgen shekti kólemderge sáıkes keledi. Kartop 15 mamyrǵa deıin, pııaz ben sábiz 1 mamyrǵa deıin, qyryqqabat 1 sáýirge deıin satylady. Sondaı-aq, «Semey Qus« JShS-men, «Krýpnoff« JShS-men jasalǵan sharttarǵa sáıkes belgilengen baǵalar boıynsha saýda jelisine 1 sanattaǵy jumyrtqa ondyǵyn 320 teńgeden jetkizý jalǵasýda. Keıinnen saýda núktelerinde ol 330 teńgeden saýdalanady», - dep atap ótedi mınıstrlikten.
Budan basqa, bıylǵy jyly oblystyń un tartý kásiporyndaryna ishki naryqqa retteýshilik áser etý úshin «Azyq-túlik kelisim shart korporatsııasy «UK« AQ-dan azyq-túlik astyǵyn satý kezinde ulttyq kompanııa shekken shyǵystardy óteýdi sýbsıdııalaý esebinen belgilengen baǵa boıynsha tonnasy 90 myń teńgeden bıdaı bólý josparlanýda. Un tartatyn kásiporyndar 1-surypty undy áleýmettik nan pisirýgenaýbaıhanalarǵa odan ári bólshek saýda jelisinde bir bólke úshin 90 teńge baǵamen satý úshin beretin bolady.
Sonymen qatar, 1 surypty bıdaı nany baǵasyn turaqtandyrý maqsatynda Óskemen qalasynyń ákimdigi «Eco-Agro« JShS, «Hlebozavod Karavaı« JShS jáne «Vostok Elıt« JShS naýbaıhanalarymen qalanyń saýda nysandaryna eń tómengi quny boıynsha 1 surypty nandy satý ýaǵdalastyǵyna qol jetkizdi. Satýdyń sońǵy baǵasy bir bólke úshin 95 teńgeni (0,5 kg) quraıdy. Kólemi kúnine – 1 400 bólke. «Shahan Ata« JShS bir bólke úshin 105 teńgeden 1 surypty bıdaı nanyn satady, Óskemen qalasy men Glýbokoe aýdanynda kúnine 1 600 bólke satylady.
«Jergilikti ókildi, atqarýshy organdardyń, básekelestikti qorǵaý jáne damytý komıteti agenttiginiń departamentiniń qyzmetkerlerin tarta otyryp, saýda obektilerindegi baǵalarǵa turaqty negizde monıtorıng júrgiziledi. Baǵany turaqtandyrý máselesi turaqty baqylaýda tur», - delingen vedomstvo aqparatynda.
