ShQO-da alaıaqtar taǵy da ákimdik qyzmetkerleri atynan halyqqa habarlasa bastady
ÓSKEMEN. KAZINFORM – Shyǵys Qazaqstan oblysynda alaıaqtar taǵy da ákimdik qyzmetkerleri atynan halyqqa habarlasa bastady.
Osyǵan deıin Óskemende alaıaqtyq jasaǵany úshin túzetý mekemesinde jazasyn ótep jatqan er adam iri kásipkerlerge habarlasyp, ózin oblys ákiminiń orynbasary retinde tanystyrǵanyn habarlaǵan edik. Sý tasqynynyń saldaryn joıýǵa kómek kórsetý maqsatynda dep kásip ıeleriniń birinen 50 mln teńge alǵan alaıaq sot sheshimimen 8 jylǵa bas bostandyǵynan aıyrylǵan.
Dese de ákimdiktiń atyn jamylyp, halyqqa habarlasatyn alaıaqtar sonda da tyıylmaı tur. Soǵan baılanysty ShQO ákimdigi turǵyndarǵa eskertý jasady.
«Áleýmettik jeliler men messendjerlerde ortalyq jáne jergilikti memlekettik mekeme basshylary atynan feık paraqsha ashyp, túrli syltaýmen, kóbinese qaryzǵa aqsha surap habarlama jibergen jaǵdaılar kóbeıip ketti. Osy oraıda alaıaqtardyń arbaýyna túspeýlerińizdi jáne osyndaı habarlama alǵan jaǵdaıda quqyq qorǵaý organdaryna habarlasýyńyzdy suraımyz», - dep habarlady ákimdiktiń baspasóz qyzmeti.
