ShQO-da alaıaqtar halyqqa ákimdik qyzmetkerleri atynan habarlasyp jatyr

ÓSKEMEN. KAZINFORM – Shyǵys Qazaqstan oblysynda alaıaqtar eldi aldaý úshin ózderin ákimdik qyzmetkeri retinde tanystyryp júr.

Sońǵy ýaqytta Shyǵys Qazaqstanda onlaın-alaıaqtar jergilikti memlekettik organdardyń basshylary atynan, messendjerler men áleýmettik jelilerde jalǵan akkaýnttar ashyp, túrli mazmundaǵy mátindik jáne daýys habarlamalaryn tarata bastady.

Olar kóbinese qarjylaı kómek kórsetý nemese belgili bir máselelerdi sheship berý týraly ótinish bildiredi.

- Sonymen qatar azamattardyń jeke málimetterin alý maqsatynda abonentterdiń sybaılas jemqorlyq quqyqbuzýshylyqtaryna qatysy bar degen jalǵan aqparat taratylyp jatyr. Sizderden alaıaqtardyń arandatýyna ermeýdi jáne mundaı jaǵdaılar bolǵan kezde dereý quqyq qorǵaý organdaryna júginýlerińizdi suraımyz, - dep habarlady ShQO ákiminiń baspasóz qyzmetinen.

Eske salsaq, osyǵan deıin Petropavlda er adamnan ınternet-alaıaqtar qoldanatyn qurylǵy tárkilengeni habarlanǵan.