ShQO-da alaıaqtar ákimderdiń atyn jamylyp halyqtan aqsha surap jatyr
ÓSKEMEN. KAZINFORM – Shyǵys Qazaqstan oblysynda alaıaqtar Altaı aýdanynyń ákimi Renat Qurmambaevtyń atynan jurttan aqsha surap jatyr.
Sońǵy kúnderi alaıaqtar Altaı aýdanynyń ákimi Renat Qurmambaevtyń atynan WhatsApp messendjerinde halyqqa habarlama jazyp, túrli sebeptermen aqsha suraýda. Ázirge aldanyp qalǵandardyń bar-joǵy belgisiz.
- Alaıaqtar meniń atymnan habarlamalar jiberip jatyr. Buǵan senbeńizder! Ol meniń nómirim emes. Sondyqtan birden sol nómirdi buǵattap tastańyzdar, - deıdi Renat Qurmambaev.
Bul alaıaqtardyń ákimdik qyzmetkerleriniń atyn jamylǵan birinshi jaǵdaı emes. ShQO ákimi baspasóz qyzmetiniń málimetinshe, áleýmettik jeliler men messendjerlerde ortalyq jáne jergilikti memlekettik mekeme basshylary atynan feık paraqsha ashyp, túrli syltaýmen kómek kórsetýdi surap, habarlama jibergen jaǵdaılar kóbeıgen. Olar negizinen qaryzǵa aqsha surap jatady.
Eske salsaq, osyǵan deıin BQO turǵynyna 1,2 mln teńge nesıe rásimdegen alaıaq sottalǵany habarlanǵan.