ShQO-da alaıaqqa aldanǵan zeınetker 3,5 mln teńgesinen aıyryldy
ÓSKEMEN. QazAqparat – Shyǵys Qazaqstan oblysynda zeınetker alaıaqtyń arbaýyna ilikken, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 61 jastaǵy qart kisi 2018 jyldyń naýryz aıynan bastap 2020 jyldyń sáýirine deıingi aralyqta tanysy jeke kásibin damytýǵa kómektesetindigin aıtyp, 3 jarym mln teńge mólsherinde aqsha alǵan.
«Jedel-izdestirý sharalaryn júrgizý barysynda krımınaldyq polıtsııa qyzmetkerleri 27 jastaǵy kúdiktini qolǵa túsirdi. Áıel adam óz kinásin tolyqtaı moıyndap otyr», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq Kodeksiniń 190-baby 3-bóligimen sotqa deıingi tergeý amaldary júrgizilýde.
