ShQO-da alaıaqqa aldanǵan eki adam 20 mln teńgeden aıyryldy
ÓSKEMEN. QazAqparat – Shyǵys Qazaqstan oblysynyń eki turǵyny alaıaqqa aldanyp, 20 mln teńgeden aıyryldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, polıtsııaǵa habarlasqan Óskemen qalasynyń 24 jastaǵy turǵyny alaıaqtyń arbaýyna ilikkenin aıtty. Anyqtalǵandaı, 2020 jyldyń sáýir aıynyń ortasynda jábirlenýshi «aqshańyzdy eki eselep qaıtaramyn» dep sendirgen beıtanys áıelge 4 mln teńgesin bere salǵan.
Kóp uzamaı tártip saqshylaryna Tarbaǵataı aýdanynyń 32 jastaǵy turǵyny dál osyndaı aryzben júgindi. 2019 jyldyń qyrkúıek aıynda arzan baǵamen páter alýǵa kómektesetindigin aıtqan alaıaq onyń 19 mln teńgesin qaltaǵa basqan.
«Jedel-izdestirý sharalaryn júrgizgende krımınaldyq polıtsııa qyzmetkerleri 27 jastaǵy áıeldi qolǵa túsirdi. Ol da Tarbaǵataı aýdanynda turatyn bolyp shyqty. Kúdikti óz kinásin moıyndap otyr», - deıdi ShQO PD bastyǵy Saǵat Mádıev.
Qazir ol ýaqytsha ustaý ızolıatoryna qamaýǵa alynǵan. Atalǵan fakti boıynsha QR Qylmystyq Kodeksiniń 190-baby (Alaıaqtyq) 3-bóliginiń 1-tarmaǵy jáne 4-bóliginiń 2-tarmaǵyna sáıkes sotqa deıingi tergeý amaldary júrgizilýde.
