ShQO-da alaıaq turǵyndardyń 3 mln teńgesin ıemdenip ketken
ÓSKEMEN. QazAqparat - Shyǵys Qazaqstan oblysynda alaıaq 7 adamdy aldyp-arbap 3 mıllıon teńgesin alyp ketken, dep habarlaıdy QazAqparat tilshisi jergilikti polıtsııaǵa silteme jasap.
Polıtsııanyń málimetterine qaraǵanda, Jarma aýdany Shar qalasynyń polıtsııa bólimine jergilikti turǵyn shaǵym túsirgen. Ol alaıaqtyq jolmen 500 myń teńge aqshalaı qarajatyn ıemdenip ketken áıelge qatysty shara qoldanýlaryn suraǵan. Sol kúni polıtsııaǵa dál osyndaı ótinishpen taǵy bir Shar qalasynyń turǵyny kelgen.
Jedel-izdestirý sharalary barysynda polıtseıler Almatyda 46 jastaǵy áıeldi ustady. Ol tergeý kezinde qylmysyn moıyndady.
Belgili bolǵandaı, ol alaıaqtyq jolmen aqsha ıemdený arqyly kún kórgen. Áıel Shyǵys Qazaqstan oblysyn aralap, Germanııada týystary bolýy múmkin adamdardy izdegen. Alaıaq áıel ózin solardyń týysy retinde tanystyryp, Germanııadaǵy týystarynyń olarǵa aqsha men syılyqtar berip jibergenine sendirgen. Zardap shegýshilerdiń senimine kirip, sheteldegi týystary jibergen sálemdemeni alý úshin bankke barý qajettigin aıtady.
Sondaı-aq, óziniń qyzmeti úshin belgili bir somany suraıdy. Buǵan qosa, áńgime barysynda eýrony teńgege aýystyrýlaryn usynyp, kelisilgen somany ıemdenedi jáne solarmen birge qalaǵa keledi. Bankke kelgennen keıin alaıaq zardap shegýshilerdi taksıde qaldyryp, ózi túrli syltaýlarmen ketip qalǵan.
Іs materıaldary boıynsha ShQO-daǵy 7 zardap shegýshi - Glýbokıı, Shemonaıha, Borodýlıhınsk jáne Óskemen turǵyndary. Olarǵa 3 mıllıon teńge somasynda zalal keltirilgen.
Qazirgi ýaqytta «alaıaqtyq» baby boıynsha sotqa deıingi tergeý jumystary júrgizilip jatyr.
