ShQO-da Alakól jaǵasynda 8 jańa demalys úıi ashylady
ÓSKEMEN. QazAqparat – Shyǵys Qazaqstan oblysy Úrjar aýdanyndaǵy Alakól jaǵasynda 650 oryndyq segiz jańa demalys úıi ashylmaq, dep habarlaıdy QazAqparat tilshisi.
ShQO Týrızm jáne syrtqy baılanystar basqarmasy basshysynyń orynbasary Inara Bodýkovanyń aıtýynsha, kól boıynda jańa qurylys aýmaǵy belgilengen. Ondaǵy jer ýchaskeleri kásipkerlerge «Alakól jaǵasynda 4 juldyzdy qonaq úı qurylysynyń eń úzdik jobasy» konkýrsy arqyly beriledi.
Sonymen qatar «Bıznestiń jol kartasy-2020» baǵdarlamasy sheńberinde demalys ornynda sý jáne elektr jelilerin tartý jumystary bastaldy. Demalýshylarǵa yńǵaıly bolý úshin bıyl medıtsına jáne polıtsııa beketiniń qurylysy júrgizilmek. Qazirgi ýaqytta buǵan barlyq qajetti qujattar ázirlenip, jer ýchaskesi bólingen.
Esterińizge sala ketsek, Úrjar aýdanyndaǵy Alakól aımaǵy 13 maýsymnan bastap demalýshylardy qabyldaıdy.
Alakólde demalýshylardan koronavırýs juqtyrmaǵandyǵy týraly anyqtama talap etiledi.
