ShQO-da aqyn Abaıdyń taǵy bir eskertkishi ashylady
KÓKPEKTІ. QazAqparat - Kókpekti aýdanynyń Samar aýylynda uly aqyn Abaıdyń eskertkishi ashylady. Bul jaıynda oblys ákimi Danıal Ahmetovtiń Kókpekti aýdanyna jasaǵan jumys sapary barysynda aıtyldy, dep habarlaıdy QazAqparat Altaınıýske silteme jasap.
Qazirgi ýaqytta jóndeý jumystary qyzyp jatqan Samar aýylyndaǵy ortalyq alańǵa aqyn eskertkishi ornatylady. Eskertkish qoıylǵan aýmaq túgel abattandyrylyp, qorshalady.
«Bul jer kóp uzamaı samarlyqtardyń súıikti demalys ornyna aınalmaq. Bar sharýa sapaly atqarylýy kerek»,- dedi Danıal Ahmetov.
Merdiger mekeme «Bota» JShS alańdy 23 tamyzǵa deıin tapsyramyz dep otyr.
Bul kúni Abaı atyndaǵy ortalyq alań saltanatty túrde ashylyp, oblystyq Abaı oqýlary ótkiziletin bolady.
